Click on
title of any passage numbered in red to access an English translation.
51. |
Massacre in the Upper Market |
305 |
[In 66 CE,
the procurator Florus]
Πρὸς ταῦτα μᾶλλον παροξυνθεὶς
(mockery from Jerusalem's
youth) ἐμβοᾷ τοῖς
στρατιώταις διαρπάζειν τὴν ἄνω καλουμένην ἀγορὰν καὶ κτείνειν
τοὺς ἐντυγχάνοντας. οἱ
(the soldiers) δ᾽ ἐπιθυμίᾳ
κέρδους προσλαβόντες ἡγεμονικὴν παρακέλευσιν οὐ μόνον ἐφ᾽ ὃν
ἐπέμφθησαν τόπον ἥρπαζον, ἀλλ᾽ εἰς πάσας ἐμπηδῶντες τὰς οἰκίας
ἔσφαζον τοὺς οἰκήτορας. |
306 |
φυγὴ δ᾽ ἦν ἐκ τῶν στενωπῶν
καὶ φόνος τῶν καταλαμβανομένων, τρόπος τε ἁρπαγῆς οὐδεὶς
παρελείπετο, καὶ πολλοὺς τῶν μετρίων συλλαβόντες ἐπὶ τὸν Φλῶρον
ἀνῆγον: οὓς μάστιξιν προαικισάμενος ἀνεσταύρωσεν.
|
307 |
ὁ δὲ σύμπας τῶν ἐκείνης
ἀπολομένων τῆς ἡμέρας ἀριθμὸς σὺν γυναιξὶν καὶ τέκνοις, οὐδὲ γὰρ
νηπίων ἀπέσχοντο, περὶ τριάκοντα καὶ ἑξακοσίους συνήχθη. |
308 |
βαρυτέραν τε ἐποίει τὴν
συμφορὰν τὸ καινὸν τῆς Ῥωμαίων ὠμότητος: ὃ γὰρ μηδεὶς πρότερον
τότε Φλῶρος ἐτόλμησεν, ἄνδρας ἱππικοῦ τάγματος μαστιγῶσαί
τε πρὸ τοῦ βήματος καὶ σταυρῷ προσηλῶσαι, ὧν εἰ καὶ τὸ
γένος Ἰουδαίων ἀλλὰ γοῦν τὸ ἀξίωμα Ῥωμαϊκὸν
(citizens) ἦν. |
|
--- Josephus,
Jewish
War 2.305-308 |
52. |
Sacrifice for
Emperor Eliminated |
409 |
[In the summer of 66
CE] ἅμα δὲ
καὶ κατὰ τὸ ἱερὸν Ἐλεάζαρος
υἱὸς Ἀνανία τοῦ ἀρχιερέως,
νεανίας
θρασύτατος, στρατηγῶν
τότε τοὺς κατὰ τὴν λατρείαν λειτουργοῦντας
ἀναπείθει μηδενὸς ἀλλοτρίου
δῶρον ἢ θυσίαν προσδέχεσθαι. τοῦτο
δ᾽ ἦν τοῦ πρὸς Ῥωμαίους πολέμου
καταβολή: τὴν γὰρ ὑπὲρ τούτων
θυσίαν Καίσαρος [= Nero]
ἀπέρριψαν. |
|
--- Josephus,
Jewish
War 2.409 |
53. |
Romans crucify
Rebels |
446 |
(In May
70 CE during the siege
of Jerusalem
the emperor Vespasian's
son, Titus)
πέμψας δ᾽ αὐτὸς μοῖραν
τῶν ἱππέων ἐκέλευσεν τοὺς κατὰ τὰς
φάραγγας ἐπὶ συγκομιδῇ
τροφῆς ἐξιόντας ἐνεδρεύειν... |
449 |
μαστιγούμενοι δὴ καὶ
προβασανιζόμενοι τοῦ θανάτου πᾶσαν αἰκίαν ἀνεσταυροῦντο τοῦ
τείχους ἀντικρύ... |
451 |
προσήλουν δὲ
οἱ στρατιῶται δι᾽
ὀργὴν καὶ μῖσος τοὺς
ἁλόντας ἄλλον ἄλλῳ σχήματι πρὸς χλεύην, καὶ
διὰ τὸ πλῆθος χώρα τε
ἐνέλειπε τοῖς σταυροῖς καὶ σταυροὶ
τοῖς σώμασιν. |
|
--- Josephus,
Jewish
War 5.446-451 |
54. |
Romans occupy
Temple [70 CE] |
316 |
Ῥωμαῖοι δὲ
τῶν μὲν στασιαστῶν
καταπεφευγότων εἰς
τὴν πόλιν, καιομένου
δὲ αὐτοῦ τε τοῦ ναοῦ
καὶ
τῶν πέριξ ἁπάντων, κομίσαντες
τὰς σημαίας εἰς τὸ ἱερὸν καὶ
θέμενοι τῆς ἀνατολικῆς πύλης
ἄντικρυς ἔθυσάν τε αὐταῖς αὐτόθι
καὶ τὸν Τίτον μετὰ
μεγίστων εὐφημιῶν ἀπέφηναν
αὐτοκράτορα. |
|
--- Josephus,
Jewish
War 6.316 |
55. |
Jewish Assassins
in Egypt [73 CE] |
409 |
ἔτι δὲ καὶ [the fall
of Masada
in 73 CE],
περὶ Ἀλεξάνδρειαν
τὴν ἐν Αἰγύπτῳ μετὰ ταῦτα συνέβη πολλοὺς
Ἰουδαίων ἀποθανεῖν: |
410 |
τοῖς γὰρ ἐκ τῆς
στάσεως τῶν
σικαρίων ἐκεῖ διαφυγεῖν
(from Judea)
δυνηθεῖσιν οὐκ ἀπέχρη
τὸ σώζεσθαι,
πάλιν δὲ καινοτέροις
ἐνεχείρουν πράγμασι καὶ πολλοὺς τῶν
ὑποδεξαμένων ἔπειθον
τῆς ἐλευθερίας ἀντιποιεῖσθαι, καὶ Ῥωμαίους
μὲν μηδὲν κρείττους αὑτῶν ὑπολαμβάνειν, θεὸν δὲ μόνον ἡγεῖσθαι
δεσπότην. |
411 |
ἐπεὶ
δὲ αὐτοῖς τῶν οὐκ ἀφανῶν
τινες Ἰουδαίων ἀντέβαινον,
τοὺς μὲν
ἀπέσφαξαν, τοῖς δ᾽ ἄλλοις
ἐνέκειντο πρὸς τὴν ἀπόστασιν
παρακαλοῦντες. |
412 |
ὁρῶντες δ᾽ αὐτῶν
τὴν ἀπόνοιαν
οἱ πρωτεύοντες τῆς
γερουσίας οὐκέτ᾽ ἀσφαλὲς αὐτοῖς ἐνόμιζον
περιορᾶν, ἀλλὰ πάντας
ἀθροίσαντες εἰς ἐκκλησίαν τοὺς Ἰουδαίους
ἤλεγχον τὴν ἀπόνοιαν τῶν σικαρίων πάντων αἰτίους ἀποφαίνοντες
ἐκείνους τῶν κακῶν:... |
414 |
φυλάξασθαι τοίνυν
τὸν ἐξ
αὐτῶν ὄλεθρον τὸ πλῆθος
παρεκάλουν καὶ περὶ αὑτῶν πρὸς Ῥωμαίους
ἀπολογήσασθαι τῇ τούτων
παραδόσει. |
415 |
συνιδόντες
τοῦ κινδύνου τὸ
μέγεθος ἐπείσθησαν
τοῖς λεγομένοις, καὶ μετὰ πολλῆς ὁρμῆς ἐπὶ
τοὺς σικαρίους ᾁξαντες
συνήρπαζον αὐτούς. |
416 |
τῶν δ᾽ ἑξακόσιοι
μὲν εὐθὺς
ἑάλωσαν, ὅσοι δ᾽ εἰς τὴν
(upper) Αἴγυπτον καὶ τὰς ἐκεῖ
Θήβας
διέφυγον, οὐκ εἰς μακρὰν
συλληφθέντες ἐπανήχθησαν. |
|
--- Josephus,
Jewish
War 7.409-416 |
|